Jali Muaddib: “Qarabağ”da ikinci Zubir olmaq istəyirəm”

"Qarabağ”ın yeni transferlərindən olan Jali Muaddib “Zirə”yə qarşı keçirilən yoxlama oyunundan (4:3) sonra jurnalistlərin suallarını cavablandırıb. Futbolxeber.az saytının əməkdaşının da iştirak etdiyi müsahibəni təqdim edirik:

- “Qarabağ”a gəlişiniz necə alındı?

- Kiprdə oynayırdım. Təklif gələrkən ailəmlə danışdım. Ailəm də razılıq verdi. Təbii ki, “Qarabağ”ı tanıyırdım. Çünki son illər avrokubokılarda mütəmadi oynayır. Bu kluba qoşulduğum üçün şadam.

- Başqa təklifəriniz var idi?

- Bəli, var idi.

- “Qarabağ”a keçidinizdə həlledici amil hansı oldu?

- 1 gün ərzində “Qarabağ”a “hə” dedim. Dediyim kimi, klub mütəmadi Avropada oynayır, strukturu bəllidir, baş məşqçi uzun illərdir çalışır. Bütün bu məqamlar müsbət qərar verməyimə təsir göstərdi.  

- Qurban Qurbanovla danışığınız olub, sizdən gözləntiləri nədir?

- Uzun danışığımız olmayıb. Amma bilirəm ki, Kiprdə son mövsümdə oynadığım kimi çıxış gözləyir məndən. Mən də əlimdən gələni edəcəm ki, komandama kömək edim, qazanılacaq uğurlarda pay sahibi olum.

- “Qarabağ”da ilk oyuna çıxdınız. Adaptasiyanız necə gedir?

- Sözsüz ki, təzə kluba gələndə müəyyən dərədəcə çətinlik çəkirsən. Komanda yoldaşlarım yaxşıdır. Hamı çalışır mənə kömək etsin. Mən də öz növbəmdə əlimdən gələni edirəm ki, kollektivə daha tez uyğunlaşım.

- Azərbaycan çempionatı haqda məlumatınız var? “Qarabağ”dakı hədəfləriniz nədir?

- İkinci Zubir olmaq istəyirəm (gülür). Azərbaycan çempionatı barədə məlumatım var. “Qarabağ” ötən mövsüm mənə maraq göstərmişdi. Danışıqlara başlayanda “Qarabağ”ın oyunlarını izlədim. Bilirəm ki, Azərbaycan çempionatında “Neftçi”, “Sabah” kimi kimi komandalar var. Maraqlı olacaq. 

- Avroliqada sizi uzaq İslandiya səfəri gözləyir. Rəqib haqda nə deyə bilərsiniz?

- Hazırda “Vestri” haqda geniş məlumatımız yoxdur. Təbii ki, bilirik kuboku qazanıblar, sonra ikinci liqaya düşüblər. Amma istənilən halda avrokuboklarda zəif rəqib olmur. Hər bir komandaya qarşı ciddi hazırlaşmaq və oynamaq lazımdır.

İBRAHİM