“Turan Tovuz” “Zenit”in sabiq qapıçısını transfer edir - ÖZƏL

“Turan Tovuz” heyətini yeni qapıçı ilə gücləndirir.

Futbolxeber.az saytının məlumatına görə, Tovuz klubu rusiyalı qolkiper Yeqor Baburini heyətinə qatır. 32 yaşlı futbolçu ilə tezliklə rəsmi müqavilə imzalanacaq.

Qeyd edək ki, Baburin son mövsümü Rusiyanın I Liqa təmsilçisi “Volqa”da keçirib. O, Ulyanovsk klubunun heyətində 11 matçda forma geyib.

Təcrübəli qapıçı karyerası ərzində “Zenit”, “Rubin”, “Rostov”, “Krasnodar” və “Torpedo” (Moskva) klublarında da çıxış edib. Baburin 5 matçda Rusiyanın U-21 yığmasının şərəfini qoruyub.