Şirokovun “Qəbələ”yə gəlişi yalan oldu

“Zenit”in və Rusiya millisinin üzvü, Roman Şirokovun meneceri Arsen Minasov müştərisinin “Zenit”i tərk edəcəyi haqda yayılan xəbərlərə münasibət bildirib. Futbolxeber.az-ın məlumatına görə, A.Minasov Sankt-Peterburq təmsilçisindən başqa heç bir komanda ilə danışıq aparmadıqlarını vurğulayıb: “Mən mütəmadi olaraq “Zenit” rəsmiləri ilə görüşürəm və biz yeni müqavilə haqda müzakirələr aparırıq. “Zenit”dən başqa heç bir komandayla danışığımız olmayıb. Deyəcəklərim bu qədərdir”.

Xatırladaq ki, bu gün Rusiya mətbuatında Şirokovun “Zenit”i tərk edəcəyi haqda xəbərlər yayılıb. Hətta rusiyalı həmkarlarımız Şirokovun yeni iş yeri ola biləcək klublar arasında “Qəbələ”nin də adını qeyd edirdilər.