U-21 millimiz Qırğızıstanın U-20 yığmasına məğlub oldu

Türkiyənin İsparta şəhərində təlim-məşq toplanışında olan 21 yaşadək futbolçulardan ibarət Azərbaycan millisi bu gün ikinci yoxlama oyununa çıxıb.

Futbolxeber.az saytının məlumatına görə, Rəşad Eyubovun baş məşqçisi olduğu komanda Qırğızıstanın U-20 yığması ilə qarşılaşıb.

"Sav" stadionunda keçirilən görüş rəqibin 3:1 hesablı qələbəsi ilə başa çatıb. Millimizin heyətində yeganə qolu qarşılaşmanın 59-cu dəqiqədə penaltidən Nihad Əhmədzadə vurub.

Qeyd edək ki, Azərbaycanın U-21 millisi iyunun 6-da keçirilən ilk yoxlama oyununda Bəhreynin U-20 yığmasını 3:0 hesabı ilə məğlub edib.