Azərbaycanı növbəti mövsüm avrokuboklarda təmsil edəcək bütün klublar məlumdur

2026/27 mövsümündə Azərbaycanı avrokuboklarda təmsil edəcək bütün klublar müəyyənləşib.

Futbolxeber.az saytının məlumatına görə, sonuncu vəsiqə “Neftçi”yə qismət olub. Azərbaycan Premyer Liqasının 32-ci turunda səfərdə “Sabah”ı 2:1 hesabı ilə məğlub edən flaqman sona 1 tur qalmış dördüncü yeri, avtomatik olaraq da UEFA Konfrans Liqasına vəsiqəni təmin edib.

Bununla da, növbəti mövsüm ölkəmizi Çempionlar Liqasında “Sabah”, Avropa Liqasında “Qarabağ”, Konfrans Liqasında isə “Turan Tovuz” və “Neftçi” təmsil edəcək. “Sabah”, "Qarabağ" və “Neftçi” mübarizəyə birinci, “Turan Tovuz” isə ikinci mərhələdən başlayacaq.