“Neftçi” 3 ildən sonra avrokuboklarda!

“Neftçi” 3 ildən sonra avrokuboklara vəsiqə qazanıb.

Futbolxeber.az saytının məlumatına görə, flaqman Azərbaycan Premyer Liqasının 32-ci turunda səfərdə “Sabah”ı 2:1 hesabı ilə məğlub edib. Bu qələbə sayəsində xallarının sayını 56-ya çatdıran “Neftçi” sona 1 tur qalmış dördüncü yeri, avtomatik olaraq da UEFA Konfrans Liqasına vəsiqəni təmin edib.

Bununla da, “ağ-qaralar” 3 ildən sonra yenidən avrokuboklara vəsiqə qazanıb. “Neftçi” sonuncu dəfə qitə kuboklarında 2023/24 mövsümündə iştirak edib. Həmin vaxt UEFA Konfrans Liqasının ikinci təsnifat mərhələsində Bosniya və Hersoqovina təmsilçisi "Jelezniçar”ı mübarizədən kənarlaşdıran (2:0; 2:2) “Neftçi” daha sonra “Beşiktaş”a uduzaraq (1:3; 1:2) üçüncü təsnifat mərhələsində mübarizəni dayandırmışdı.