Çixradze: “Məğlub olacağımızı düşünmürdük”

“Fasilədən sonra uğurlu nəticəyə nail ola bilmədik. Oyunun birinci hissəsində biz çox yaxşı oynadıq. Ancaq ikinci hissədə öz kobud səhvimizdən qol buraxdıq. Bu, komandanın ruhunu sındırdı və komanda artıq özünü toplaya bilmədi”. Futbolxeber.az-ın məlumatına görə, bu sözləri “Neftçi” ilə oyundan sonra “Simurq”un baş məşqçisi Georgi Çixradze deyib. Gürcü mütəxəssis növbəti oyunda dəyişikliklərə əl atacağını bildirib: “Öz oyunumuzu itirdik. Birinci hissədən sonra məğlub olacağımızı düşünmürdük belə. “Neftçi” hazırkı çempiondur, güclü komandadır. Fasilədən sonra oyunlar həmişə çətin olur. Növbəti oyunda bizdə bəzi dəyişikliklər olacaq”.