"Turan Tovuz" uduzdu, "Qarabağ" qalib gəldi

Azərbaycan Premyer Liqasında 32-ci tur davam edir.

Futbolxeber.az saytının məlumatına görə, ikinci oyun günündə iki matç keçirilib.

Həm “Qarabağ”ın, həm də “Turan Tovuz”un gümüş medal qazanmaq şansı qaldığı üçün bu komandaların oyunları eyni vaxtda start götürüb.

“Qarabağ” öz meydanında “İmişli”ni məğlub edib. Qurban Qurbanovun komandası bu qələbə sayəsində ikinci yeri rəsmiləşdirib, həmçinin avtomatik Avropa Liqasına vəsiqəni təmin edib.

“Turan Tovuz” isə səfərdə “Şamaxı”ya uduzub. Bu nəticədən sonra üçüncülüyü rəsmiləşdirən "Turan Tovuz" növbəti mövsümdə ölkəmizi Konfrans Liqasında təmsil etmək hüququ qazanıb. Qərb təmsilçisi mübarizəyə birbaşa 2-ci təsnifat mərhələsindən başlayacaq.

Azərbaycan Premyer Liqası

XXXII tur

16 may (şənbə)

“Şamaxı” - “Turan Tovuz” -  3:2

Qollar: Arsen Ağcabəyov, 9 (1:0), Dioqo Balau, 28 (2:0), Vadji İbrahima, 65 (2:1), Alexandro Serrano, 73 (2:2), Abdulla Rzayev, 83 (3:2)

Baş hakim: Rəvan Həmzəzadə

Şamaxı şəhər stadionu

“Qarabağ” - “İmişli”- 3:0

Qollar: Kamilo Duran, 46, Marko Yankoviç, 66-pen.; Abdullah Zubir, 78

Baş hakim: Emin Əliyev

Tofiq Bəhramov adına Respublika Stadionu

17 may (bazar)

18:00. “Zirə” - “Sumqayıt”

18:00. “Sabah” - “Neftçi”

15 may (cümə)

“Karvan-Yevlax” - “Qəbələ” - 1:2

“Araz-Naxçıvan” - “Kəpəz” - 2:0

Bombardirlər:

Coy Lens Mikels (“Sabah”) - 19 qol

Bassalu Sambu ("Neftçi") - 11 qol

Velko Şimiç (“Sabah”) - 11 qol

Emin Mahmudov ("Neftçi") - 10 qol

Joarlem Santos ("Turan Tovuz") - 10 qol

Ba-Muaka Simakala ("Araz-Naxçıvan") - 9 qol

Aleksandr Ramalinqom ("Sumqayıt") - 9 qol

Karim Rossi ("Şamaxı") - 9 qol

Leandro Andrade ("Qarabağ") - 9 qol