“Biz bəzilərinə sübut etdik ki...”

“Neftçi”nin baş məşqçisi Böyükağa Hacıyev “Simurq”u 3:0 hesabı ilə məğlub etdikləri oyunu şərh edib. Futbolxeber.az-ın məlumatına görə, Hacıyev uduzmağa haqqlarının olmadığını bildirib: "Komanda çempionatın startı ərəfəsində səhvlər buraxır. Dünən bizim əsas rəqibimlərimizdən biri olan "Qarabağ" xal itirdi. Buna görə bizim  bu gün məğlub olmağa haqqımız yox idi. Birinci hissədə futbolçularım yüksək səviyyəli futbol göstərə bilmədilər və mən fasilədə əvəzləmələr etdim. Meydana çıxanlar üç qol vurdular. Ancaq biz hələ özümüzə tam gəlməmişik. Biz bəzilərinə sübut etdik ki, "Neftçi"yə transferlər gərək deyil. "Neftçi" benzin və yağa ehtiyacı olmayan hazır maşındır. İşə sal və sür, get. “Xəzər Lənkəran”ın Bakıda “Qarabağ” kimi güclü komandaya qalib gəlməsi bizi növbəti oyuna daha da toparlanmağa vadar edir. Mənim vaxtımda “Neftçi” həmişə qalib gəlib. Mustafa Dənizli türk dünyasının görkəmli məşqçilərindəndir, böyük qardaşımızdır. Meydanda kim güclüdürsə, o da qalib gələcək. Redniklə aramızda bir həssalıq var idi, onun “gəmi”sini batırdım. Heyətlə bağlı problemimiz yoxdur, zədəli futbolçuları əvəz edəcək oyunçularımız var. Meydanda can qoyan, dediklərimi edən futbolçu ilə dostam. Oynamayan isə cəzasını alacaq”.