18 Noyabr 2026, Çərşənbə
U-20 millisi İraqla heç-heçə etdi
U-21 Omanı yenə məğlub etdi
U-17 millimiz qrupda sonuncu oldu
Millimiz Andorraya qalib gəldi

Ölkə futbolu

Kaxaber Sxadadzedən qələbə şərhi

"Qəbələ" Azərbaycan Premyer Liqasının 32-ci turunda səfərdə "Karvan-Yevlax"ı 2:1 hesabı ilə məğlub edib.

Futbolxeber.az saytının məlumatına görə, "qırmızı-qaralar"ın baş məşqçisi Kaxaber Sxadadze matçdan sonra jurnalistlərin suallarını cavablandırıb:

- Futbolçularımı qələbə münasibətilə təbrik edirəm. Bu gün yaxşı oynadıq. Birinci hissədə sonluqlarla bağlı problem yaşayırdıq. İkinci hissədə standart vəziyyətdən qol buraxdıq. Bundan sonra da yaxşı oyun göstərməyə davam edirdik. İki qol vurduq. Daha çox qol vura bilərdik. Bu oyunda çox müsbət məqamlar gördüm. Matç turnir cədvəli baxımından demək olar ki, heç bir əhəmiyyət kəsb etmirdi. Buna baxmayaraq, futbolçular qarşılaşmaya kökləndilər və sona qədər mübarizə apardılar.

- Müsbət məqamlar deyəndə nəyi nəzərdə tutursunuz?

- Oyunu. Çox baxımlı oynadıq. Komanda hesabda geri ola-ola qələbə qazandı. Bu da pozitiv məqamdır.

- Pley-offda rəqibiniz "Səbail" və ya "Mingəçevir" olacaq. Rəqibləri təhlil etmisiniz? Düşünmürsünüz ki, "Qəbələ" rahat qələbə qazanacaq?

- Bütün rəqiblərə hörmətlə yanaşırıq. Hansısa oyunu rahat hesab edə bilmərik. Əlbəttə ki, hazırlaşırıq. Məşqçilər heyəti olara potensial rəqiblərin oyunlarına baxırıq. Amma futbolçular yox. Onlar qarşıdakı "Şamaxı" ilə matça hazırlaşırlar.

- Klubla 1 illik müqaviləniz var. "Qəbələ"də qalsanız, necə komanda qurmağı düşünürsünüz?

- Hazırda yalnız ayın 28-də keçiriləcək pley-off matçını düşünürəm.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30