Bölgə klubunda yeni sponsor – məşqçilər və futbolçular göndərilir

I Liqada mübarizə aparan “Şahdağ Qusar” klubu yeni sponsorla anlaşıb.

Futbolxeber.az saytının əldə etdiyi məlumata görə, sponsor yeni mövsümdən kluba böyük vəsait ayıracaq. “Şahdağ Qusar”un hədəfi isə I Liqada çempionluq olacaq.

Hələlik adı açıqlanmayan sponsor klubda böyük dəyişiklik etməyi planlaşdırır. Belə ki, yeni sponsor hazırkı heyətlə yola davam etmək fikrində deyil. Cari mövsüm başa çatdıqdan sonra baş məşqçi və futbolçularla yollar ayrılacaq. Artıq yeni baş məşqçi axtarışına başlayan sponsor heyəti sıfırdan yığacaq.