“Biz də qalib gəlmək istəyirdik”

”Xəzər Lənkəran”ı qələbə münasibəti ilə təbrik edirəm. Təbii ki, biz də qalib gəlmək istəyirdik. Futbolçular verilən tapşırıqları yerinə yetirməyə çalışdılar, onlara iradım yoxdur”. Futbolxeber.az-ın məlumatına görə, bu sözləri “Xəzər Lənkəran”la oyundan sonra “Qarabağ”ın baş məşqçisi Qurban Qurbanov deyib.

Təcrübəli mütəxəssis komandanın bir futbolçudan asılı olmadığını bildirib: “Komanda 90 dəqiqə ərzində gücünü düzgün bölə bilmədi. 3-4 turdan sonra futbolçuların lazımi formada olacağını düşünürəm. Rəqibi Antalyada da izləmişdim, oyun üslubunda fərq yoxdur. Standart vəziyyətlərdə Skarlatakenin təhlükəli olduğunu bilirdik, amma öz qolunu vurdu. Rəqib nəticə üçün hər şey etdi, qələbə qazandı. Təcrübəli futbolçulardan təşkil olunmuş komandadır. Komandamın bir futbolçudan asılı olduğunu düşünmürəm. Bir neçə futbolçu olmaması oyun sisteminə təsir edir”.