Falaye Sako: “Belə olan halda "Neftçi" Avropada çıxış edə bilər”

“Neftçi”nin müdafiəçisi Falaye Sakonun Futbolxeber.az saytına müsahibəsi

- Azərbaycan Premyer Liqasının 21-ci turundan təxirə salınmış oyunda “Qarabağ” məğlub etdiniz. 2:1 hesablı qələbəni necə şərh edərdiniz?

- Hər iki hissədə yaxşı oyun göstərdik. Düşünürəm ki, qələbəyə layiq idik. Çox istərdim ki, həmişə belə davam edək. Özümüzə inanmalıyıq.

- 4 gün əvvəl “Qarabağ”a böyük hesabla məğlub olmuşdunuz. 1:5-dən sonra ikinci matçda qələbə qazanacağınıza inam var idi?

- Əlbəttə. Düzdür, ötən matçda "Qarabağ"a uduzmuşduq. Lakin bu dəfə çox ciddi hazırlaşmışdıq. Baş məşqçimiz də lazımi göstərişlərii vermişdi. Təbii ki, heç bir oyun asan keçmir. Sadəcə özümüzə inanmalıyıq.

- "Qarabağ"a qarşı 2 fərqli matç oynadınız. Bu iki görüş arasında əsas fərq nə idi?

- Əslində bütün matçlar fərqli keçir. Ötən oyundan sonra məğlubiyyəti, səhvlərimizi yaxşı təhlil etmişdik. Boşluqlarımızı nəzərdən keçirdik. Komanda şəklində ciddi hazırlaşdıq. Baş məşqçimiz də bizə meydana çıxıb öz işimizi layiqli şəkildə görməyi tapşırdı. O, bizdən daha çoxunu tələb edir. Bu qələbə ilə kifayətlənə bilmədik. Daha da artırmalıyıq.

- Hazırda "Neftçi" dördüncü yerdədir. Komandanın avrokuboklar şansını necə qiymətləndirirsiniz?

- Potensialımız var. Gördüyümüz işə inamla, ruh yüksəkliyi ilə yanaşmalıyıq. Yalnız belə olan halda "Neftçi" Avropada çıxış edə bilər. Bunun üçün qarşıdakı matçları maksimum nəticə ilə başa vurmalı, eləcə də kubokun finalını gözləməliyik.

- Növbəti matç "Karvan-Yevlax"a qarşıdır. Həmin görüşdən gözləntiləriniz nədir?

- Hər bir matça eyni yanaşırıq. Rəqibin turnir cədvəlində hansı mövqeni tutmağı önəmli deyil. "Karvan-Yevlax"a qarşı matçda da məqsədimiz qələbə qazanmaqdır. 3 xal üçün əlimizdən gələni edəcəyik.

Azad Nuriyev