AFFA "Qarabağ"ı 8000 manat cərimələdi

Bu gün AFFA İntizam Komitəsinin iclası keçirilib.

Futbolxeber.az saytının məlumatına görə, iclasda aprelin 30-da Azərbaycan Premyer Liqasının 21-ci turundan təxirə salınmış “Neftçi” - “Qarabağ” oyunundakı qayda pozuntuları ilə bağlı qərarlar verilib.

“Neftçi”nin 5 futbolçusu sarı vərəqə aldığı üçün klub 700 manat cərimə edilib.

Qərarda qeyd edilib ki, matçda “Qarabağ”ın azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirilib. Bu hal cari mövsümdə 5-ci dəfə təkrarlandığına görə “Qarabağ” klubu 8000 manat cərimələnib.