“Sözüm kimlərinsə xoşuna gəlməsə də, həqiqətən layiqli qələbə qazandıq”

“Qarabağ”ı Çempionlar Liqasındakı qələbə münasibətilə təbrik edirəm. İnşallah, Avropada yollarına davam edərlər. Oyunun nə qədər çətin olacağını bilirdik. Onların birinci və ikinci heyətinin fərqi yoxdur. "Qarabağ" bu gün hətta Avropada TOP komandalardandır. Məncə, maraqlı oyun alındı. Uşaqlar yaxşı mübarizə apardılar. Azarkeşlərimizi, futbolçuları təbrik edirəm”.

Futbolxeber.az saytının məlumatına görə, bu sözləri “Kəpəz”in baş məşqçisi Azər Bağırov Azərbaycan Premyer Liqasının 17-ci turunda “Qarabağ”a 2:0 hesabı ilə qalib gəldikləri oyundan sonra deyib.

Daha sonra o, jurnalistlərin suallarını cavablandırıb:

- "Qarabağ"ın "Ayntraxt"la oyundakı heyəti meydanda olsaydı, nəticə fərqli ola bilərdi?

- Hər şey ola bilərdi.

- Oyundan öncə belə hesabı təxmin edirdiniz?

- Yox. Uşaqlara dedim ki, həyatda edə bilməyəcəyiniz heç nə yoxdur. Sadəcə bu matça axırıncı oyun kimi yanaşmaq lazımdır. Vuruşdular, qollarımızı vurduq. Sözüm kimlərinsə xoşuna gəlməsə də, həqiqətən layiqli qələbə qazandıq.

- "Qarabağ"ı məğlub etdiyiniz üçün "Kəpəz"də əla mükafat olacaq?

- Onu rəhbərlik bilər. Belə məsələlərə biz qarışmırıq. Mənə elə gəlir ki, futbolçuları layiqincə qiymətləndirəcəklər.