7 Mart 2026, Şənbə
Kurçinin qolu ayın ən yaxşısı seçildi
"Kəpəz" rəhbərliyində dəyişikliklər
Kubokda yarımfinalçılar müəyyənləşdi
Azər Bağırov: “Bu, adamı üzür”

Ölkə futbolu

“Neftçi” Şakir Qəribovu təbrik etdi

“Neftçi”nin veteran futbolçusu, sabiq məşqçisi Şakir Qəribov “Palms Sports” Futbol Mərkəzində qonaq olub.

Futbolxeber.az saytının məlumatına görə, “Neftçi” PFK-nın baş icraçı direktoru Cenk Sümer və digər klub nümayəndələri ilə görüşən Qəribova 70 illik yubileyi münasibətilə xatirə hədiyyəsi təqdim edilib.

Görüşdə “Neftçi”nin hazırkı durumu və gələcək planları haqda fikir mübadiləsi aparılıb. Daha sonra futbol mərkəzi ilə yaxından tanış olan yubilyar “Neftçi TV”yə geniş müsahibə verib.

1956-cı il yanvarın 15-də Sabirabadda dünyaya gələn Qəribov futbol oynamağa doğma rayonda başlayıb. Əvvəlcə Gəncə “Dinamo”sunda, daha sonra hərbi xidmətlə əlaqədar OİK-də çıxış edən Şakir Qəribov 1977-ci ildə “Neftçi”yə dəvət olunub. İlk ili əvəzedici komandada keçirən sol cinah müdafiəçisi 1978-ci ildə əsas komandaya çağırılıb və qısa müddətdə əsas heyət üzvlərindən birinə çevrilib. Ümumilikdə, “ağ-qaralar”ın heyətində keçirdiyi 9 mövsüm ərzində 219 oyunda meydana çıxıb, 8 qola imza atıb. Futbolçu karyerasını başa vurandan sonra doğulduğu Sabirabadın “İnşaatçı” klubunda məşqçiliyə başlayan mütəxəssis 1989-cu ildə oynayan məşqçi kimi Azərbaycan çempionu olub. Vaxtilə yığmanın baş məşqçiləri olmuş İqor Ponomaryov, Vaqif Sadıqov və Şahin Diniyevlə birgə işləyib, olimpiya yığmamıza və aşağı yaş qruplarından ibarət komandalara rəhbərlik edib. 2000-2001, 2009-2010-cu illərdə doğma “Neftçi”nin, 2011-2013-cü illərdə isə AZAL-ın məşqçisi olub.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31