“Neftçi”nin Çin klubu ilə oyununun başlama vaxtı açıqlandı

Abu Dabidə təlim-məşq toplanışını davam etdirən “Neftçi”nin hazırlıq prosesi çərçivəsində keçirəcəyi sonuncu yoxlama matçının yeri və başlama vaxtı müəyyənləşib.

Futbolxeber.az-ın klubun saytına istinadən verdiyi məlumata görə, “ağ-qaralar” üçüncü matçını yanvarın 16-da Çinin “Çenqdu Ronqçenq” klubuna qarşı keçirəcək. “321 Sports Club” stadionunda təşkil olunacaq görüş həm yerli, həm də Bakı vaxtı ilə saat 17:00-da start götürəcək.

Xatırladaq ki, “Neftçi” ilk matçında Çempionlar Liqasının Liqa mərhələsində mübarizə aparan “Kayrat”ı 3:0 hesabı ilə məğlub edib, ikinci görüşündə isə Misirinm “Piramids” klubu ilə bərabərə qalıb - 1:1.