Azərbaycan klubları ötən il nə qədər gəlir əldə ediblər?

AFFA Azərbaycan Premyer Liqası klublarının 2024-cü ildəki maliyyə gəlirlərini açıqlayıb.

Futbolxeber.az saytının məlumatına görə, bu barədə klubların lisenziyalaşdırılması üzrə hesabatda informasiya yer alıb.

Ən çox gəlir əldə edən "Qarabağ"dır. Ağdam təmsilçisi ötən il 34 milyon 753 min 800 manat qazanıb. "Neftçi" olub 28 milyon 617 min 506 manat əldə edib. "Sabah" isə 26 milyon 953 min 800 manat gəlirlə 3-cü olub.

Premyer Liqa klublarının 2024-cü ildəki gəlirləri:

"Qarabağ" - 34 milyon 753 min 800 manat

"Neftçi" - 28 milyon 617 min 506 manat

"Sabah" - 26 milyon 953 min 800 manat

"Zirə" - 10 milyon 968 min 897 manat

"Sumqayıt" - 9 milyon 178 min, 60 manat

"Səbail" - 7 milyon 799 min 500 manat

"Araz-Naxçıvan" - 6 milyon 208 min 100 manat

"Turan Tovuz" - 6 milyon 145 min 200 manat

"Kəpəz" - 3 milyon 711 min 300 manat

"Şamaxı" - 3 milyon 51 min 300 manat

Qeyd edək ki, klubların gəlirləri reklam və sponsor müqavilələri, UEFA-dan daxilolmalar, Futbolun İnkişafı Fondundan daxilolmalar, Kommersiya və digər əməliyyat gəlirləri və bilet satışından ibarətdir.