"Neftçi" qələbəni əldən verdi

Bu gün Azərbaycan Premyer Liqasında 15-ci tura yekun vurulub.

Futbolxeber.az saytının məlumatına görə, son oyun günündə 2 matç keçirilib.

Əvvəlcə "İmişli" Karvan-Yevlax"ı qəbul edib. Qubada keçirilən görüş 1:1 hesabı ilə bitib. Bununla da, Yevlax klubu Füzuli Məmmədovun rəhbərliyi altında ilk xalını qazanıb.

Turun son matçında "Neftçi" "Sumqayıt"ı qəbul edib. Bu görüş "Neftçi"nin yeni baş məşqçisi Yuri Vernidub üçün "ağ-qaralar"da debüt matçı olub. Onun komandası hesabda 2 top fərqi ilə yekunlaşsa da, yekunda qələbəni əldən verib. 

Azərbaycan Premyer Liqası

XV tur

15 dekabr (bazar ertəsi)

“Neftçi” - “Sumqayıt” - 2:2

Qollar: İmad Faraj, 34 (1:0), Bassala Sambu, 49 (2:0), Nsane Simon, 74 (2:1), Səbuhi Abdullazadə, 81, (2:2)

Hakimlər: Rauf Cabarov, Elşad Abdullayev, Teymur Teymurov, İslam Məmmədov

“Palms Sports Arena”

“İmişli” - “Karvan-Yevlax” - 1:1

Qollar: Dioqo Almeyda, 29 (1:0), Vadim Abdullayev, 39 (1:1)

Hakimlər: Kamranbəy Rəhimov, Pərvin Talıbov, Zöhrab Abbasov, Vüqar Həsənli

Quba OİK stadionu

13 dekabr (şənbə)

“Turan Tovuz” - “Sabah” - 1:3

“Şamaxı” - “Zirə” - 2:1

14 dekabr (bazar)

“Qarabağ” - “Araz-Naxçıvan” - 5:1

“Kəpəz” - “Qəbələ” - 1:0

Bombardirlər:

Coy-Lens Mikels (“Sabah”) - 8 qol

Ba-Muaka Simakala (“Araz-Naxçıvan”) - 7 qol

Toral Bayramov (“Qarabağ”) - 7 qol

Karim Rossi ("Şamaxı") - 6 qol

Bassalu Sambu ("Neftçi") - 6 qol