“Ayaks”ın qapıçısı: "Qarabağ"a qarşı yaxşı oyun sərgiləməyə çalışacağıq"

"Ayaks"ın qapıçısı Vitezslav Yaroş UEFA Çempionlar Liqasının Liqa mərhələsinin 6-cı turunda "Qarabağ"la sabah keçiriləcək oyun üçün təşkil edilən mətbuat konfransına qatılıb.

Futbolxeber.az saytının məlumatına görə, son vaxtlar komandalarında inkişaf olduğunu deyən çexiyalı qolkiper bildirib ki, "Qarabağ"a qarşı yaxşı oyun sərgiləmək istəyirlər:

"Ayaks"da olduğum üçün xoşbəxtəm. Komandamız yaxşı durumdadır. Hər şey gözəldir. Son iki oyunda gördünüz ki, inkişaf etmişik. Şəxsən mən tərəfdən böyük inkişaf var. Sabah "Qarabağ"a qarşı yaxşı oyun sərgiləməyə çalışacağıq".

Qeyd edək ki, sabah Tofiq Bəhramov adına Respublika Stadionunda keçiriləxək "Qarabağ" - "Ayaks" matçı saat 21:45-də başlayacaq.