"Səbail" klubu baş məşqçisi ilə yollarını ayırdı

Bu gün I Liqanın 9-cu turu çərçivəsində“ASCO Arena”da “Cəbrayıl”a qarşı keçirilmiş oyundan sonra “Səbail” PFK-nın İdarə Heyətinin iclası keçirilib.

Futbolxeber.az saytının məlumatına görə, bu barədə klub rəsmi açıqlama yayıb.

Toplantıda İdarə Heyətinin üzvləri ilə yanaşı, klubun məşqçi heyəti də iştirak edib və mövsümün əvvəlindən bu günə qədər keçirilmiş oyunların nəticələri müzakirə olunub, müsbət və mənfi məqamlar qeyd olunub.

İclasda baş məşqçi Elvin Məmmədovun hesabatı dinlənilib. Toplantının sonunda Elvin Məmmədovun istəyinə əsasən baş məşqçi və köməkçiləri ilə klub arasında bağlanmış müqaviləyə qarşılıqlı razılıq əsasında xitam verilib.

İdarə Heyəti məşqçi heyətinə göstərdiyi xidmətlərə görə təşəkkür edib, onlara gələcək karyeralarında uğurlar arzulayıb.