Berdıyev: “Əgər heç nə dəyişmirsə, bu sualları vermək nəyə lazımdır?”

"Turan Tovuz"un baş məşqçisi Kurban Berdlyev "Araz-Naxçıvan"la (1:1) heç-heçə etdikləri Azərbaycan Premyer Liqasının 12-ci turunun oyununu şərh edib.

Futbolxeber.az saytının məlumatına görə, o, qarşılaşmadan sonra mətbuat konfransında deyib ki, iki fərqli hissə izləyiblər:

“Birinci hissədə yaxşı oynamadıq. İkinci hissədə nisbətən daha yaxşı təsir bağışladıq. Təəssüflər olsun ki, qələbə qazana bilmədik”.

O, “Hakimlikdən razı qaldınızmı?” sualına belə cavab verib: “Tək mənə yox, digər məşqçilərə də hakimliklə bağlı suallar verirsiniz. Əgər heç nə dəyişmirsə, bu sualları vermək nəyə lazımdır?”

K.Berdıyev hazırda turnir cədvəlinə fikir vermədiklərini deyib: “Oyundan-oyuna köklənirik”.