“Sabah bizi çətin oyun gözləyir”

İslandiya millisinin yarımmüdafiəçisi Haukon-Arnar Haraldsson DÇ-2026-nın seçmə mərhələsində Azərbaycan yığmasına qarşı keçiriləcək oyun haqda fikirlərini bölüşüb.

Futbolxeber.az saytının məlumatına görə, o, bu gün Bakıda təşkil olunan mətbuat konfransında sabahkı görüşün önəmini vurğulayıb:

“Bu bizim üçün çox vacib oyundur. Pley-off şansımızı qorumaq üçün yaxşı nəticə qazanmalıyıq. Son turda Ukrayna ilə qarşılaşacağıq və o oyunu da səbirsizliklə gözləyirik. İlk dəfə Bakıya gəlmişəm, şəhər çox gözəldir”.

Azərbaycan millisinə ilk oyunda 5:0 hesabı ilə qalib gəlmələrinin onları arxayınlaşdırıb-arxayınlaşdırmayacağı barədə suala Haraldsson belə cavab verib: “Xeyr, belə bir şey ola bilməz. Reykyavikdəki oyundan sonra Azərbaycan yığması daha yaxşı oynamağa başlayıb. Sabah bizi çətin oyun gözləyir. Azərbaycanla qarşılaşma öncəsi motivasiya problemi yoxdur”.