9 Fevral 2026, Bazar ertəsi
Rəşad Sadıqovdan qələbə şərhi
"Zirə" "Sumqayıt"a qalib gəldi
"Yenə də favorit "Qarabağ"dır"
"Neftçi"də braziliyalı vinger?

Ölkə futbolu

Elmar Baxşıyevdən qələbə şərhi

"Araz-Naxçıvan" Azərbaycan Premyer Liqasının 11-ci turunda "Karvan-Yevlax"a 2:1 hesabı ilə qalib gəlib.

Futbolxeber.az saytının məlumatına görə, Naxçıvan təmsilçisinin baş məşqçisi Elmar Baxşıyev oyundan sonra keçirilən mətbuat konfransında əvvəlcə oyunla bağlı danışıb:

- Xalqımızı Zəfər Günü münasibətilə təbrik edirəm. Oyunla bağlı çox danışmaq istəmirəm. Bu gün elə gündür ki, ölkə olaraq qələbə qazanmışıq. Bunun qarşılığında bizim qazandığımız nəticə çox da önəmli deyil. Allah şəhidlərimizə rəhmət eləsin, qazilərimizə cansağlığı versin. Matça gəldikdə isə ağır oyun alındı. Komanda olaraq oyuna yaxşı girmədik. Çoxsaylı top itkilərinə yol verirdik. Rəqib bundan istifadə edirdi. Yenə də şükürlər olsun ki, qələbə qazandıq və liderlər qrupundan geri qalmadıq.

- Əsas heyətin bəzi üzvlərinə bu gün şans vermədiniz. Bu, nə ilə bağlı idi?

- Builki heyətimiz genişdir. Bütün oyunçulardan istifadə etmək fikrindəyik.

- Qapıda Tərlan Əhmədliyə şans vermişdiniz. “Karvan-Yevlax”ı zəif hesab edirdiniz?

- Xeyr. Tərlan Əhmədli bir neçə tur əvvəl də meydana çıxmışdı. Avram isə son zamanlar çox qol buraxdığı üçün özünəinam problemi yaşayırdı. Tərlan bəyəndiyim qapıçıdır. Bizdə əsas heyət anlayışı yoxdur. Oyuna müəyyən heyətlə başlayırıq, lakin gedişatda dəyişikliklər olur. Oyunçular bilir ki, kiminsə əsas heyətdə yeri həmişəlik deyil.

- Rəqibin vaxt aparması sizi əsəbiləşdirirdi?

- Normal haldır. İstəyirik ki, oyunun ritmi düşməsin. Futbolçular 2-3 dəqiqə temp yaradır, sonra oyun düşür. Buna görə narazılığım var idi. Düşünürəm ki, komanda şəklində daha da artırmalıyıq.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28