Yankoviç: “Ola bilər azarkeşlərimiz bu nəticəni gözləmirdilər, lakin...”

“Ola bilər azarkeşlərimiz bu nəticəni gözləmirdilər. Lakin biz qarşılaşmaya yaxşı hazırlaşmışdıq”.

Futbolxeber.az saytının məlumatına görə, bu sözləri “Qarabağ”ın yarımmüdafiəçisi Marko Yankoviç UEFA Çempionlar Liqasının Liqa mərhələsinin 4-cü turunda “Çelsi”yə qarşı keçirilən oyun barədə danışarkən deyib.

Monteneqrolu futbolçu 2:2-lik heç-heçəni belə şərh edib: “İlk hissədə bəxtimiz gətirmədi. Heç nədən qol buraxdıq. Sonradan hesabda önə keçdik. Qələbə də qazana bilərdik. Yekunda 1 xalla kifayətləndik və bu nəticədən məmnunuq”.

O, qarşıdakı matçlarda da yaxşı nəticə qazanmağa çalışacaqlarını bildirib: “Başa düşürük ki, yaxşı nəticələr qazandıqca azarkeşlərin bizdən gözləntiləri artır. Biz özümüz də yaxşı nəticələrə, daha da irəli getməyə ümid edirik. Lakin Çempionlar Liqasının səviyyəsi çox yüksəkdir. Güclü komandalar, çox yaxşı futbolçular var. Demək olmaz ki, hər oyunu çıxıb udacağıq. Amma əlimizdən gələni edəcəyik ki, hər matçda yaxşı nəticə qazanaq. Məhz bunun üçün çalışırıq”.

TAĞI