“Neftçi” “Kəpəz”lə oyuna xüsusi forma ilə çıxacaq

Azərbaycan Respublikasının İnsan Hüquqları üzrə Müvəkkilinin (Ombudsmanın) elan etdiyi “Uşaq Hüquqları Aylığı” çərçivəsində cəmiyyətin diqqətinin uşaq hüquqlarının qorunmasına yönəldilməsi məqsədilə “Neftçi” bu gün Azərbaycan Premyer Liqasının 10-cu turu çərçivəsində “Kəpəz”lə matça uşaqlar tərəfindən nömrələri rənglənmiş xüsusi formalarla çıxacağıq.

Futbolxeber.az saytının məlumatına görə, oyunda geyinilən xüsusi formalar futbolçular tərəfindən imzalanacaq və MatchWornShirt platforması vasitəsilə hərraca çıxarılacaq.

Əldə olunan gəlir “Ümid Yeri” Uşaq Sığınacağına ianə ediləcəkdir.

Xatırladaq ki, bu gün “Palms Sports Arena”da keçiriləcək “Neftçi” - “Kəpəz” matçı 17:00-da start götürəcək.