Kurban Berdıyevdən qələbə şərhi

"Turan Tovuz"un baş məşqçisi Kurban Berdıyev Azərbaycan Premyer Liqasınn 9-cu turunda "Karvan-Yevlax"a qalib gəldikləri matç (2:1) haqda danışıb.

Futbolxeber.az saytının məlumatına görə, təcrübəli mütəxəssis hesabda əvvəlcə məğlub duruma düşsələr də, sonda geridönüş edə bildikləri üçün futbolçularına təşəkkürünü çatdırıb:

"Çox çətin oyun oldu. Bilirdik ki, "Karvan-Yevlax" əks-hücumlarda təhlükəlidir. Onlardan biri qolla nəticələndi. Uşaqlara təşəkkür etmək istəyirəm, geridönüş edə bildilər".

K.Berdıyev komandasının oyununun onu tam qane etmədiyini söyləyib: "Oyunumuz tam olaraq qane etmədi. Səhvlərimiz üzərində işləyəcəyik. Qələbə bizim üçün çox vacib idi".

O, "Rəhim Sadıxovun start heyətində meydana çıxması nə dərəcədə doğrudur" sualını belə cavablandırıb: "Rəhim yaxşı məşqlər etmişdi. Ümumiyyətlə, keçən oyunda da yaxşı çıxış etmişdi, ona görə də, seçimimiz onun üzərində oldu".