“Neftçi”: 3 oyun, 3 qələbə

“Neftçi” Yüksək Qızlar Liqasında ardıcıl üçüncü qələbəsini qazanıb.

Futbolxeber.az saytının məlumatına görə, “ağ-qaralar” 3-cü turda “Təhsil 8 İOEUGİM”i 5:0 hesabı ilə məğlub edib.

“Palms Sports” Futbol Mərkəzində baş tutan matçda qolları Ayşən Salamzadə (11-ci dəqiqə), Xanım Əsədova (14-cü dəqiqə), Suel Polikarpova (23-cü və 89-cu dəqiqələr) və Mədinə Curuqova (53-cü dəqiqə) vurublar.

Qeyd edək ki, 3 oyundan sonra maksimum nəticə göstərən “Neftçi” 4-cü turda “Zaqatala”nın qonağı olacaq.