“Neftçi”nin legioneri: “Bu, penaltidirsə, mən futbolla vidalaşaram”

“Oyun haqqında nə deyim? Yaşananlar utancvericidir”.

Futbolxeber.az saytının məlumatına görə, bu sözləri “Neftçi”nin hücumçusu Alessio Kurçi Azərbaycan Premyer Liqasının VII turunda “Zirə”yə qarşı keçirilən oyun barədə danışarkən deyib.

Lüksemburqlu futbolçu komandasının qələbəyə layiq olduğunu bildirib: “Yekunda 2:2 hüsabı qeydə alınsa da, biz qələbəyə layiq idik. İkinci hissədə geridönüş etdik. Ardıcıl qollar vurub hesabda önə keçdik. Təəssüf ki, son dəqiqələrdə qapımıza təyin olunan penalti 2 xal itirməyimizə səbəb oldu”.

Kurçi son dəqiqələrdə “Neftçi”nin qapısına təyin olunan penaltini biabırçı adlandırıb: “Məncə, hamı epizodu gördü. Matçdan sonra mən də epizodun videosuna baxdım. Bu, penaltidirsə, mən futbolla vidalaşaram”.

TAĞI