“Neftçi” - “Karvan” oyununun biletləri satışa çıxarılıb

Azərbaycan Premyer Liqasının 6-cı turu çərçivəsində keçiriləcək “Neftçi” - “Karvan” matçının biletləri satışa çıxarılıb.

Futbolxeber.az saytının məlumatına görə, qiyməti 2 (“Şərq 1”, “Şərq 2”, “Forza”, “Qərb 2” sektorları), 3 (“Cənub üst”, “Şimal 1”, “Şimal 2” sektoru), 5 (“Cənub alt” sektorları), 15 (“VIP Silver” sektoru) və 20 (“VIP Gold” sektoru) AZN təşkil edən biletləri “Neftçi”nin mobil tətbiqindən və https://bilet.neftchi.az saytından onlayn şəkildə əldə etmək olar.

Stadionun kassasında isə biletlər oyun günü saat 11:00-dan etibarən satışda olacaq.

Xatırladaq ki, sentyabrın 27-si “Palms Sports Arena”da keçiriləcək “Neftçi” - “Karvan” görüşü saat 19:00-da start götürəcək.