Elxan Səmədovdan "Qarabağ"a təbrik

Peşəkar Futbol Liqasının prezidenti Elxan Səmədov “Qarabağ”ı Çempionlar Liqasının Liqa mərhələsinin ilk turunda “Benfika” üzərində 3:2 hesablı səfər qələbəsi qazanması münasibətilə təbrik edib.

Futbolxeber.az saytının məlumatına görə, bu barədə o, sosial şəbəkə hesablarında paylaşım edib:

“Qarabağ”ı növbəti tarixi nəticə münasibətilə təbrik edirəm. Bu dəfə qələbə Avropanın ali klub turnirində - Çempionlar Liqasında gəldi. Təsnifat mərhələsində də rəqiblərinə şans verməyən “Qarabağ” qitənin adlı-sanlı “Benfika” klubunu da məğlub edərək Liqa mərhələsinə də böyük zəfərlə başladı.

Bu qələbədə əməyi keçən hər kəsə dərin təşəkkürümü bildirir, onların simasında sevincimizi bölüşməkdən sonsuz məmnunluq duyduğumu  vurğulamaq istəyirəm.

Təşəkkürlər, “Qarabağ”!"