Azərbaycan UEFA reytinqində Slovakiyanı geridə qoydu

Azərbaycan UEFA-nın əmsallar cədvəlində daha bir pillə irəliləyib.

Futbolxeber.az saytının məlumatına görə, bu, “Qarabağ”ın Çempionlar Liqasının 1-ci turunda Lissabonda “Benfika” üzərindəki əzmkar qələbəsi (3:2) sayəsində mümkün olub.

Bu qələbə Azərbaycanın reytinqinə daha 0,500 əmsal əlavə edib. Nəticədə ölkəmizin əmsal ehtiyatı 21,500-ə çatıb və Azərbaycan Slovakiyanı keçərək 26-cı yerdən 25-ci pilləyə yüksəlib.

Qeyd edək ki, hazırda reytinqdə 24-cü pillədə qərarlaşan Serbiyanın isə 22,125 əmsalı var.