“Milliyə gedəndə “Neftçi”nin nəticələrini yaddan çıxarmaq istəyirəm”

“Ümid edirəm ki, “Neftçi”dəki durumu dəyişəcəyik. Milliyə gedəndə “Neftçi”nin nəticələrini yaddan çıxarmaq istəyirəm. Çünki çətin gəlir”.

Futbolxeber.az saytına açıqlamasında bu sözləri “Neftçi”nin kapitanı Emin Mahmudov deyib.

Təcrübəli yarımmüdafiəçi qeyd edib ki, son 10 gün onun üçün çox çətin keçib:

“Bu yaxınlarda nənəm rəhmətə getdi. Bu səbəbdən də “Turan Tovuz”la oyuna komandama kömək edə bilmədim. Bir gün ancaq yollarda oldum. Daha sonra İslandiyada ağır məğlubiyyətlə üzləşdik. İndi sevinirəm ki, millinin heyətində fərqləndim. Ukraynaya vurduğum qol əhval-ruhiyyəmi yaxşılaşdıracaq. İnanıram ki, tezliklə “Neftçi”dəki vəziyyət də qaydasına düşəcək”.

Fərəc Aslanov