Samir Abasov: “Bizim əsəblərimizlə oynadılar”

Azərbaycan Premyer Liqasında 3-cü tur çərçivəsində “Neftçi” öz meydanında “Turan Tovuz”a uduzub - 1:0.

Futbolxeber.az saytının məlumatına görə, oyundan sonra keçirilən mətbuat konfransında "Neftçi"nin baş məşqçisi Samir Abasov jurnalistlərin suallarını cavablandırıb:

- Komandanız niyə qol vura bilmir?

- Epizodlar yaratdıq. Təəssüflər ki, bəxtimiz də gətirmir. Əvvəlki matçlarda da belə idi. Digər matçlara baxanda, bu gün başqa "Neftçi" var idi. Çox ritmli və dinamik idik. İlk dəqiqədən bəlli idi ki, komandanın niyyətinin nə olması. Qol buraxdıqdan sonra da təzyiqi davam etdirdik. Futbolçular çox istəyirdilər ki qol vuraq, udaq. İkinci hissədə qırmızı vərəqə ilə planlar pozuldu. 10 nəfər qaldıqdan sonra da müdafiəçilər soyuqqanlı və məharətlə oynadılar. Qapımızda epizod görmədən, uduzduğumuz oyun oldu. Futbolçulara təşəkkür edirəm. İstəyə və dinamikəyə görə. Səhvlər olacaq, tələskənlikdən irəli gələn səhvlər olacaq. Başa düşürük. Yaxşı işlər etməyə qadirik. Bu siqnalı futbolçulardan gördüm.

- Erkən qol planlarınızı nə qədər pozdu? Buraxılan qolda qapıçınızın səhvi var idi. Onu cəza gözləyir?

- Rəqibə epizod vermirdik. Bu da üzərində durduğumuz məqam idi. Reallıqda, qapıçının səhvi var. Amma bir səhvlə onu silmək, nəsə fikir bildirmək istəmirəm. Digər oyunçular da, hamımız Kənanın yanındayıq. İnanıram ki, təcrübəsi, digər liqalardakı performansını bizdə də edəcək. İşimiz bu dəqiqə oyunçu cəzalandırmaq deyil.

- Piriç Superliqada 34 oyuna 67 qol buraxıb. Bu mövsüm də hər iki oyununuzda səhvi var idi... Növbəti oyunlarda da Piriçə görə xallar itirilə bilər?

- Düşünmürük. İstəmirəm ki, ayrı-ayrılıqda futbolçuların üzərində duraq. Hansısa futbolçunun səhvindən udacağıqsa... Hər bir adam səhv edə bilər. Əsas odur ki, futbolçunu qoruyaq. Necə ki, qoruyuruq. Superliqadan qapıçı gətirmək asan iş deyil. "Neftçi" bunu etdi. "Antalyaspor"u çox analiz etmisiz ki, bu qədər məlumatım yoxdur.

- İndiki məqamda nədir sizi məmnun edən?

- Bugünkü oyun bizim üçün siqnal və ümiddir. Bəhanə deyil. Birinci hissədə oynamış oyunçuların performansında əskiklik var.  Bu komanda çox yaxşı işlər görəcək. Yetərincə çox yaxşı futbolçular var, bunu bacaracaqlar. Sadəcə xal itirdikdən sonra nələr etdik, mənim üçün çətin olur demək. Komandama inanıram.

- Qırmızı vərəqə epizodu və Sambunun epizodları nəzərə alsaq, Əliyar Ağayev işinin öhdəsindən gəldi?

- Onun hansı səviyyədə referi olması hamıya bəllidir. Bugün oyunda referilərdən narazı qaldım. Penalti epizodunu indi izah edə bilmirəm. Rəqibə ikinci sarı vərəqə vermək olar. Məncə, bir tərəfə daha çox simpatiya edirlər. Bilmirəm nə. Heç xoşuma gəlmədi. Bizim əsəblərimizlə oynadılar. Qırmızı vərəqə haqlı idi? Rəqib bizi provakasiyaya çəkir. Ribeyronun ixtiyarı yoxdur ki, provakasiyaya cavab verisn. Onu da baxıb incələmək lazımdır. Əliyar orada gördüsə, qırmızı vərəqə qərarı verdisə, onun yanındayam, dəstəkləyirəm, inanıram. Mən digər məsələləri deyirəm. Biz özümüzü ev komandası kimi hiss etmədik. Dəhşətdir.

- "Neftçi" xallar itirməyə davam edir. Qorxmursuz ki, istefanıza səbəb ola bilər?

- Ola bilər. Futboldur.

- "Qarabağ"ı təbrik etməməkdə sizi qınayırlar. Azarkeşlər də sizi qınayırlar ki, niyə Samir bəy "Qarabağ"ı təbrik etməyib...

- Təbrik etsəm, "Qarabağ"ın rəqibi kimi digər azarkeşlər qınayarlar ki, niyə rəqibi təbrik edirsən? Nəysə. Bütün məşqçilər təbrik edib? Təbrik edən məşqçilərin qrupunda mən yoxam. Təbrik edirəm "Qarabağ"ı.

- "Turan Tovuz" əvvəlkilərə nisbətdə hücum futbolu oynayan komandadır. Məşqçi taktiki sxemi düzgün vermir. Ya da futbolçuların səviyyəsi o deyil...

- Məşqçi taktikası, hər şeyə cavab vermirəm. Şəxsi fikirdir. Hörmətlə yanaşıram. İkinci məsələ.. Qəbul etmirəm. Futbolçularımın səviyyəsi haqda cavab vermərəm. İmkan vermərəm ki, danışsınlar. Yaxşı səviyyədədirlər. Bu gün eyni ssenari davam edirdi.

- Niyə komanda asmalar etmir? "İmişli" ilə görüşdə ilk asmanı 56-cı, bu gün isə 45+1-ci dəqiqədə etdiniz...

- Sako yüksək səviyyədə oynadı. Oyun üslubu var. Bu gün nəzərə alsaq ki, üç o boyda müdafiəçiləri var. Başla oynayırlar. Bu da anlaşılmazlıq olar. Rəqibdə 1.50-lik müdafiəçiləri də olsaydı, bizim oyun üslubu tamam başqadır. Bu gün məşqlərdə bir şeyi tələb edirsə, oyunda başqa şey tələb etmək..Bu sualla, futbolçunu da yolundan çıxarmış oluruq. Bu, sırf oyun üslubundan irəli gələn bir şeydir.