Kadi: “ÇL-in Liqa mərhələsində də uğurlu çıxış etmək istəyirik”

“Qarabağ”ın yarımmüdafiəçisi Kadi Borges UEFA Çempionlar Liqasının Liqa mərhələsinə vəsiqə qazanmalarını şərh edib.

Futbolxeber.az saytının məlumatına görə, braziliyalı futbolçu gərgin mübarizənin yekununda istəklərinə çatdıqlarını söyləyib:

“Ferensvaroş”la cavab oyunu çox çətin alındı. Belə olacağını gözləyirdik. Səfərdəki qələbəyə baxmayaraq, rəqib vəziyyəti xeyrinə dəyişməyə çalışırdı. Gərgin mübarizənin sonunda istəyimizə çatdıq”.

O, Çempionlar Liqasının (ÇL) Liqa mərhələsində də azarkeşləri sevindirmək istədiklərini bildirib:

“Oyun boyu bizə möhtəşəm dəstək verən azarkeşlərimizə minnətdaram. Onlar bizə çox kömək oldular. Gələcəkdə də qələbələrimizlə onları sevindirmək istəyirik. Bu nəticə ilə kifayətlənə bilmərik. Liqa mərhələsində də uğurla çıxış etmək istəyirik. Bunun üçün vaxtımız var”.

TAĞI