“Neftçi” - “Turan Tovuz” oyununun biletləri satışda

Azərbaycan Premyer Liqasının 3-cü turu çərçivəsində keçiriləcək “Neftçi” - “Turan Tovuz” oyununun biletləri satışa çıxarılıb.

Futbolxeber.az saytının məlumatına görə, qiyməti 2 (“Şərq 1”, “Şərq 2”, “Forza”, “Qərb 2” sektorları), 3 (“Cənub üst” sektoru), 5 (“Cənub alt” sektoru), 15 (“VIP Silver” sektoru) və 20 (“VIP Gold” sektoru) AZN təşkil edən biletləri https://bilet.neftchi.az

saytından onlayn şəkildə əldə etmək olar.

Stadionun kassasında isə “Forza” və “Qərb 2” sektorlarına olan biletlər (qiyməti 2 AZN) oyun günü saat 11:00-dan etibarən satışda olacaq.

Qeyd edək ki, mövsümlük biletləri də onlayn şəkildə https://bilet.neftchi.az saytından əldə edə bilərsiniz.

Xatırladaq ki, avqustun 29-da keçiriləcək “Neftçi” - “Turan Tovuz” matçı saat 20:30-da “Palms Sports Arena”da keçiriləcək.