“Qurtuluş” FK 3 yaşında!

Sumqayıtı təmsil edən “Qurtuluş” Futbol Klubu bu gün 3 yaşını qeyd edir.

2022-ci ildə “Wild Ones” adı ilə yaradılan və gənc futbolçulardan ibarət kollektiv kimi fəaliyyətə başlayan komanda elə ilk mövsümündə minifutbol çempionatının qalibi olub.

Daha sonra rebrendinq edərək “Qurtuluş” adını qəbul edən klub Sumqayıt MiniFutbol Liqasında 1/4 finala qədər irəliləməklə yadda qalıb.

Bu gün “Qurtuluş” adı altında həm futbol komandası, həm minifutbol klubu, həm də uşaqlar üçün futbol akademiyası fəaliyyət göstərir. Qısa zamanda atılan addımlar gənclərin futbola marağını artırmaqla yanaşı, yeni istedadların yetişməsinə də imkan yaradıb.

Üç ildə qazanılan nailiyyətlər klub üçün yalnız başlanğıc sayılır. Gənc və enerjili kollektiv qarşıdakı illərdə Sumqayıtı daha böyük uğurlarla təmsil etməyi hədəfləyir.