“Zirə” “Şamaxı”yə məğlub oldu

“Zirə” və “Şamaxı” yoxlama oyununda üz-üzə gəliblər.

Futbolxeber.az saytının məlumatına görə, "Azərsun Arena”da oynanılan matç “Şamaxı”nın 2:1 hesablı qələbəsi ilə başa çatıb.

Ayxan Abbasovun komandasından Karim Rossi və Andrey Tirkoveanu fərqlənib. "Zirə"nin yeganə qolunun müəllifi ilə matçın sonunda penaltidən Ceyhun Nuriyev vurub.

Qeyd edək ki, “Zirə” Konfrans Liqasının 2-ci təsnifat mərhələsində “Hayduk”a (Xorvatiya) uduzaraq mübarizəni dayandırıb.

“Şamaxı” isə yoxlama oyunlarında “Sumqayıt”a (1:0), “Kəpəz”ə (6:1), “Karvan”a (2:1) qalib gəlib, “Qəbələ”yə uduzub (1:2).