Mircavadov Toşak haqda nə dedi?

"Mən heç vaxt həmkarlarım haqda danışmıram. Ona da yalnız uğurlar arzulaya bilərəm". Bu sözləri Futbolxeber.az-a verdiyi müsahibəsində Con Benjamin Toşakın "Xəzər Lənkəran"a baş məşqçi təyin olunmasına münasibət bildirərkən Azərbaycanın əməkdar məşqçisi Ağasəlim Mircavadov deyib.

Təcrübəli mütəxəssis uelsli məşqçiylə bağlı maraqlı bir məqama toxunub: "Mənim üçün bir məqam maraqlıdır. Bildiyiniz kimi, Toşak bir müddət əvvəl Makedoniya millisini çalışdırırdı. Özü isə İspaniyada yaşayırdı. Lakin həmin vaxt Toşak Makedoniyanın paytaxtında qala bilmədiyindən, tez-tez ailəsini görmək üçün İspaniyaya yollanırdı. Sonda isə federasiya onun qarşısında seçim qoydu ki, ya ailə, ya iş. O da ailəsini üstün tutduğuna görə federasiya onunla vidalaşdı. Bir sözlə, Toşakın burada harada yaşayacağı, bu və ya digər problemləri həll edib-etməyəcəyi bəlli deyil".

QEYD: Ağasəlim Mircavadovun geniş müsahibəsi ilə irəliləyən dəqiqələrdə saytımızda tanış ola bilərsiniz.