"Qarabağ" "Metallist"ə məğlub oldu

Avstriyada təlim-məşq toplanışında olan "Qarabağ" bu gün ilk yoxlama oyununa çıxıb.

Futbolxeber.az saytının məlumatına görə, Ağdam təmsilçisi Ukraynanın "Metallist" klubu ilə üz-üzə gəlib.

Qeyd edək ki, yoxlama matçı olduğu üçün qarşılıqlı razılığa əsasən görüş hər biri 30 dəqiqə olmaqla 4 hissədən ibarət olub.

9 qolun vurulduğu oyun "Qarabağ"ın məğlubiyyəti ilə başa çatıb.

Yoxlama oyunu

7 iyul

“Qarabağ” - “Metallist” - 4:5

Qollar: N.Axundzadə, 3 (1:0); Raşitsa, 11 (1:1); N.Axundzadə, 13 (2:1); Pançenko, 26 (2:2); K.Medina, 45 - avtoqol (2:3); Ramik Hacıyev, 71 (2:4); Moura, 82-pen. (2:5); A.Kaşuk, 96 (3:5); E.Addai, 114-pen. (4:5)

Qeyd edək ki, "Qarabağ" hazırlıq prosesində daha 3 yoxlama matçı keçirəcək. Qurban Qurbanovun komandası iyulun 11-də “Tvente” ilə iki görüşə çıxacaq. İyulun 15-də toplanışın son matçında isə "Qarabağ"ın rəqibi “Zalsburq” olacaq.