Sabiq “Neftçi”li: “Hər yerindən duran deyir məşqçiyəm”

Milli komandamızın və “Neftçi”nin sabiq müdafiəçisi Mahir Şükürov gələcəkdə məşqçi olmaq barədə düşünmür.

Futbolxeber.az saytına müsahibəsində o bildirib ki, məşqçilik heç də asan iş deyil:

“Mən məşqçi olmaq istəmirəm. İstəsəydim, çoxdan olardım. Bu, çox ağır işdir. Hər yerindən duran deyir məşqçiyəm. Mən buna düzgün yanaşmıram. Məqçi olmaq üçün psixologiyanı bilməlisən, futbolçularla işləmək bacarığına malik olmalısan. Futbolçuya düzgün yanaşmaq çox vacibdir. 25 futbolçunun hamısı eyni psixologiyaya sahib olmur. Ola bilər hansısa futbolçunun üstünə qışqıranda, o susar. Lakin elə futbolçu da ola bilər ki, üstünə qışqırsan, sənə cavab qaytarar. Bir sözlə, məşqçi işi asan deyil. Ona görə də başqa səhələrdə çalışmaq istəyirəm. Məsələn, futbol meneceri, yaxud uşaq futboluna rəhbərlik edə bilərəm. Məncə, bu işlər məndə alınar”.

Fərəc Aslanov