Berdıyev: “Azarkeşləri sevirdirə bilmədiyimiz üçün utanırıq”

“Neftçi” qələbəyə layiq idi. Müdafiədəki kobud səhvlərimizdən istifadə etdilər”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdıyev Azərbaycan Premyer Liqasının 34-cü turunda “Neftçi”yə 1:2 hesabı ilə uduzduqları oyundan sonra deyib.

Daha sonra o, jurnalistlərin suallarını cavablandırıb:

- Bu mövsüm "Neftçi" məğlub edə bilmədiyiniz yeganə komanda oldu. Bu haqda nə deyə bilərsiniz?

- "Neftçi" seçilmiş futbolçulardan ibarət olan komandadır.

- 4-cü yeri itirmək təhlükəsini hiss etmirsiniz?

- Xeyr. Güman edirəm ki, itirməyəcəyik. Amma azarkeşləri sevirdirə bilmədiyimiz üçün utanırıq.

- Hakim idarəçiliyi sizi qane etdi?

- Bu suala cavab verməyim. Artıq çox şeyi başa düşə bilmirəm.

- Bu heyət avrokuboklar üçün yetərlidir?

- Yox.

- Heyət nə qədər dəyişməlidir ki, avrokuboklar üçün yetərli olsun?

- Bu haqda mən nəsə deyə bilmərəm. Qərarı klubun prezidenti verir.