"Qarabağ" çempionluğunu rəsmiləşdirdi

Azərbaycan Premyer Liqasında 32-ci turun oyunları davam edir.

Futbolxeber.az saytının məlumatına görə, bu gün daha iki matç keçirilib.

Əvvəlcə Premyer Liqada qalmaq uğrunda mübarizə aparan “Səbail” “Araz-Naxçıvan”ı qəbul edib. Görüş heç-heçə başa çatıb.

Turun mərkəzi görüşü isə Masazırda olub. Burada “Qarabağ” səfərdə “Sabah”ın qonağı olub. Bu matç da heç-heçə bitib.

Bununla da Ağdam klubu sona 4 tur qalmış 12-ci çempionluğunu rəsmiləşdirib. Çünki hazırda "Qarabağ"ın 77, ən yaxın izləyicisi "Zirə"nin isə 64 xalı var.

Azərbaycan Premyer Liqası

XXXII tur

27 aprel

“Sabah” - “Qarabağ” - 1:1

Qollar: Redon Cica, 42-pen. (0:1),  Boyan Letiç, 73 (1:1)

Hakimlər: Tural Qurbanov, Asiman Əzizli, Rəhman İmami, Əli Əliyev

“Bank Respublika Arena”

“Səbail” - “Araz-Naxçıvan” - 1:1

Qollar: Ülvi İsgəndərov, 30 (0:1), Marko Nikoliç, 76 (1:1)

Hakimlər: Rəşad Əhmədov, Eyyub İbrahimov, Rahil Ramazanov, Elvin Bayramov

25 aprel

“Turan Tovuz” - “Şamaxı” - 1:1

26 aprel

“Kəpəz” - “Zirə” - 0:1

28 aprel

20:00. “Sumqayıt” - “Neftçi”

Bombardirlər: Leandro Andrade ("Qarabağ") - 14 qol, Salifu Suma ("Zirə") - 11 qol, Cesse Sekidika ("Sabah"), Davit Volkov ("Zirə") - 10 qol