Azər Bağırov: “Bir hakim ki, deyirsə, əlini aşağı sal...”

“Köklü komandaya qarşı oynadıq. Yaxşı mübarizə apardıq. Qol epizodlarını dəyərdəndirə bilmədik. Qol üçün ustalıq, incə məqamlar çatmır. Bu gün uşaqlardan razıyıq”.

Futbolxeber.az saytının məlumatına görə, bu sözləri “Kəpəz”in baş məşqçisi Azər Bağırov Azərbaycan Premyer Liqasının 31-ci turunda “Zirə”yə uduzduqları (0:1) oyundan sonra deyib.

Daha sonra o, jurnalistlərin suallarını cavablandırıb:

- "Zirə"dən xal ala bilməmisiz, hətta qol da vura bilməmisiz. Sizcə, bunun səbəbi nədir?

- Səbəbi deyə bimərəm. Fürsət varsa, qol epizodları yaranırsa, bu, məşqçi işidir. Realizə yoxdursa, ustalıqla bağlıdır. Qol epizodlarımız oldu. Məşqdə də bunun üzərində işləyirik.

- Hakimlərlə bağlı fikriniz necədir?

- Hakimlərdən çox danışmaq istəmirəm. Amma bir hakim ki, deyirsə, əlini aşağı sal... Söhbət 4-cü hakimdən gedir. Mənim üçün böyük sualdır. Mənə necə deyə bilərsən ki, əlini aşağı sal?

- Növbəti mövsümün planlarını cızmağa başlamısız?

- Bu barədə heç bir cavabım yoxdur. Sponspor gəlməlidir, hələ büdcə bilinmir.

- Rumıniya mətbuatının yazdığına görə, "Kəpəz" baş məşqçi postuna Mirça Redniki gətirmək istəyir. Bu xəbərlər sizə necə təsir edir?

- Mənim boynumda missiya var. Bu gün bunu yerinə yetirirəm. Başqa məsələlərə mən baxmıram, rəhbərlik baxır. Güclə sevgi olmur ki.