Koxalski: “Araz-Naxçıvan”a minimum 2 qol vurmalıyıq”

“Neftçi” üzərində çox vacib qələbə qazandıq”.

Futbolxeber.az saytına açıqlamasında bunu “Qarabağ”ın qapıçısı Mateuş Koxalski Azərbaycan Premyer Liqasının 31-ci turunda “Neftçi”yə qarşı keçirilən oyundan sonra deyib.

Polşalı qolkiper oyunun çətin keçdiyini bildirib: “Hesaba baxmayaraq, qarşılaşma heç də asan olmadı. Hamı meydanda 100 faiz gücünü, ürəyini qoydu. Qalib gəldiyimiz üçün sevinirik”.

25 yaşlı qapıçı sabah Azərbaycan kubokunun yarımfinalında “Araz-Naxçıvan”a qarşı keçiriləcək matçdan da söz açıb: “Matça çox ciddi yanaşmalıyıq. İlk oyunda 0:1 hesabı ilə uduzmuşuq. Buna görə də “Araz-Naxçıvan”a minimum 2 qol vurmalıyıq. Təbii ki, finalda oynamaq istəyiriksə”.

Fərəc Aslanov