AFFA Berdıyevi əfv etmədi

AFFA-nın Apellyasiya Arbitraj Tribunalı “Turan Tovuz” klubunun baş məşqçisi Kurban Berdiyev barəsində verilən qərardan şikayətə baxıb.

Futbolxeber.az saytının məlumatına görə, Tovuz klubu tərəfindən verilən apellyasiya şikayəti təmin edilməyib və mütəxəssisin cəzası qüvvədə qalıb.

Xatırladaq ki, Azərbaycan Premyer Liqasının 30-cu turu çərçivəsində keçirilən “Turan Tovuz” - “Sabah” oyununun 19-cu dəqiqəsində Kurban Berdiyev meydana daxil olaraq hakimin qərarına etiraz etdiyinə görə birbaşa qırmızı vərəqə alıb.

AFFA İntizam Komitəsinin qərarında bildirilib ki, Berdıyev daha sonra hakimləri təhqir edib. Bu səbəbdən o, 3-ü şərti olmaqla 5 oyunluq cəzalanıb, klub 4000 manat məbləğində cərimə olunub. Şərti cəzaya dair 3 ay sınaq müddəti təyin edilib.