4 May 2026, Bazar ertəsi
Rəşad Sadıqovdan qələbə şərhi
Sxadadze: “Bəsit qol buraxdıq”
“Zirə" "Qəbələ"yə qalib gəldi
"Sumqayıt"dan hakimlərə etiraz

Ölkə futbolu

AFFA iki məşqçini 5 oyunluq cəzalandırıb

AFFA İntizam Komitəsi aşağı liqalarda hakimləri təhqir edən və onlara fiziki təzyiq göstərməyə cəhd edən iki məşqçini 5 oyunluq, 9 futbolçunu isə 4 matçlıq cəzalandırıb.

Futbolxeber.az saytının məlumatına görə, bu barədə qurumun iclasında qərar qəbul olunub.

AFFA Region Liqasında keçirilən “Salyan” - “Qobustan” matçı bitdikdən sonra qonaq komandanın baş məşqçisi Elbrus Baxşəliyev hakimin üzərinə hücum çəkdiyinə və onu vurmağa cəhd etdiyinə görə 5 oyunluq cəzalanıb.

AFFA U-17 Liqasında iştirak edən “Səbail”in baş məşqçisi Ceyhun Cavadov da 5 oyunluq cəzaya məruz qalıb. Buna onun “Sumqayıt”la matçın 16-cı dəqiqəsində hakimi təhqir etdiyinə görə qırmızı vərəqə ilə texniki zonadan kənarlaşdırılması səbəb olub.

İntizam Komitəsi həmçinin 5 futbolçunu təcavüzkar davranışa görə birbaşa meydandan qovulduğu üçün 4 oyunluq diskvalifikasiya edib.

Əvəzediclər Liqasında “Zirə-2”dən Nurhan Abdıyev, Region Liqasında “Çinar Zəngilan”dan Elcan Sarıyev, U-17 Qızlar Liqasında “Zaqatala”dan Hənifət İbrahimova, “Sabah”dan Fatimə Kərimli, futzal üzrə I Liqadan isə “Xan Lənkəran”ın oyunçusu Pərviz Həsənov təcavüzkar davranışa görə birbaşa qırmızı vərəqə ilə meydandan qovulduqları üçün 4 oyunluq cəzalandırılıblar. “Zirə-2” futbolçusunun hərəkətinə görə 300 manat ziyana düşüb.

4 futbolçuya isə hakimləri təhqir etdiklərinə və onları vurmağa cəhd göstərdiklərinə görə sanksiya tətbiq olunub.

U-17 Liqasında “Sabah”dan Zakir Əmirov, Region Liqasında “Qobustan”dan Tural Nəhmətli və Samin Gülməmmədov, həmçinin “Əmirli” klubundan Mirzəxan Bəyalızadəyə 4 oyunluq cəza verilib.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2026
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31