Millimizin Monteneqro ilə oyun üçün heyəti

Qadınlardan ibarət Azərbaycan millisinin UEFA Millətlər Liqasının seçmə mərhələsi çərçivəsində Monteneqro yığmasına qarşı oyun üçün heyəti müəyyənləşib.

Futbolxeber.az saytının məlumatına görə, yığmamız təlim-məşq toplanışına fevralın 15-də başlayacaq. Komandamız fevralın 21-də "Liv Bona Dea Arena"da Monteneqro yığmasını qəbul edəcək. Qarşılaşma saat 15:00-da başlayacaq.

Milliyə dəvət olunan futbolçular aşağıdakılardır:

Nərgiz Əliyeva, Yeliz Acar, Esra Manya (hamısı "Fatih Vətən", Türkiyə), Günay İsmayılova, Manə Mollayeva, Fidan Cəfərova, Vüsalə Seyfəddinova, Firəngiz Teymurova, Coşqunə Əliyeva, Ayşən Salamzadə, Ayşən Salamzadə, Alina Nəhmədova (hamısı "Neftçi"), Firuzə Bayramova ("Dinamo Balakən"), Nigar Mirzəliyeva ("Zenit", Rusiya), Kamilla Məmmədova (klubsuz), Jalə Məhsimova ("Amed Spor", Türkiyə), Nazlıcan Parlak, Kristina Bakarandze (hamısı "Qalatasaray", Türkiyə), Sevinc Cəfərzadə ("Krasnodar", Rusiya), Ayşən Əhmədova, Milana Rəhimova (ikisi də "Ünyespor", Türkiyə), Alina Dorofeyeva, Diana Məmmədova (ikisi də "Rubin Kazan", Rusiya), Aysun Muradova ("Gölbaşı Belediye Spor", Türkiyə).