Azərbaycan transfer pəncərəsi bağlandı

Fevralın 10-da Azərbaycan futbolunda qış transfer pəncərəsi bağlanıb.

Futbolxeber.az saytının məlumatına görə, transfer dövründə yalnız "Zirə" yeni transfer reallaşdırmayıb.

Ən çox futbolçu alan isə "Şamaxı" olub. Bölgə təmsilçisi heyətinə 7 yeni oyunçu cəlb edib.

Ən çox futbolçu (hərəyə 5 nəfər) ilə yolları ayıran klublar sırasında "Sumqayıt", "Şamaxı" və "Kəpəz"dir.

Son çempion və hazırkı lider "Qarabağ"dan 2 oyunçu gedib.

Ən sonuncu keçidi "Neftçi" reallaşdırıb. Aleks Fernandes bu qış "ağ-qaralar"ın heyətinə qatdığı sayca dördüncü futbolçu olub. 

Bundan sonra klublar heyətinə yalnız azad agent statusu olan futbolçuları cəlb edə bilərlər.