Elias Xaralambous: “Qarabağ” və onun baş məşqçisi kifayət qədər təcrübəlidir”

Rumıniyanın FCSB klubu sabah UEFA Avropa Liqasının Liqa mərhələsinin 7-ci turu çərçivəsində Bakıda "Qarabağ"ın qonağı olacaq.

Futbolxeber.az saytının məlumatına görə, Buxarest təmsilçisinin baş məşqçisi Elias Xaralambous matçdan öncə keçirilən mətbuat konfransında iştirak edib.

Kiprli mütəxəssis komandasını çətin oyun gözlədiyini bildirib:

“Bizi güclü komanda ilə qarşılaşma gözləyir. “Qarabağ” və onun baş məşqçisi kifayət qədər təcrübəlidir. Onlara qarşı oynamaq bizim üçün çox çətin olacaq. Heyətimizdə bəzi itkilər var, ona görə də alternativ gedişlər üzərində düşünürük. Ancaq düşünürəm ki, biz bunun öhdəsindən gələ bilərik və bu, oyuna çox təsir etməyəcək".

Qeyd edək ki, "Qarabağ" - FCSB qarşılaşması sabah saat 21:45-də Tofiq Bəhramov adına Respublika Stadionunda start götürəcək.